時尚穿著
零煩惱開展你的白色滑雪假期！
滑雪愛好者的完全服裝指南！
時尚滑雪衣著、高級滑雪用品選購攻略+私心誠意推介！必看滑雪裝備清單！
一到咗長假，又係出發去滑雪假期嘅好時機！無論你係初學者，定係滑雪高手，想享受雪地樂趣離唔開一套好嘅滑雪服裝同實用滑雪裝備！相信唔少人揀滑雪衣著嗰時都覺得好難入手，價錢又唔算平，點樣先可以揀到一套可以襟着又舒服嘅滑雪服裝呢? 其實好嘅滑雪衣著除咗睇落時尚之外，仲應該有足夠嘅實用功能性，始終滑雪場都係一個危機四伏嘅地方，好嘅裝備絕對可以保護好自己！如果你都想知點樣先可以揀得啱，令呢筆為數不少嘅金錢投資得更有價值，咁就不妨睇睇以下滑雪裝備清單同推介！
滑雪裝備清單第一位：滑雪褸
喺白茫茫嘅滑雪場上面，大家終於可以揀番啲色彩繽紛嘅衫嚟着，除咗影相比較好睇之外，亦更加容易令人注意到你，touch wood出咗咩事都冇咁驚！另外，防水、防風同埋有雪裙嘅款式亦都比較穩陣，咁樣水先唔會滲入衣物內層，無論大雪紛飛定跌到嘅情況都好易handle！
滑雪裝備清單第二位：滑雪褲
同滑雪褸一樣，防風、防水、保暖嘅功能對滑雪褲一樣好重要，避免俾雪整濕雙腳冷親！同時，多口袋設計同埋腰帶亦可以令你滑雪嗰時更加安全同方便！想知道點着滑雪服裝着得更加保暖，不妨睇睇以下影片參考三層式穿搭法！
滑雪裝備清單第三位：滑雪護目鏡
雪地好容易折射陽光，令人望嘢更加困難，而且仲有機會傷害到雙眼，所以一定要準備好護目鏡！而家嘅護目鏡愈嚟愈時尚，覆蓋範圍亦都算大，絕對係必備滑雪用品！
滑雪裝備清單第四位：滑雪手套
普通嘅薄手套絕對唔夠！因為凍冰冰嘅雪好容易會入到去，令到雙手凍到無哂知覺，所以防水、抗摩擦、保暖嘅厚手套會比較適合，跌低嗰時仲可以減低衝擊力！
其他必備滑雪用品：滑雪長襪、雪靴、護頸套
千祈唔好着一般嘅短襪、頸巾或者短靴！滑雪長襪會喺特地位置加厚，又可以保護雙腳肌膚；至於雪靴嘅抓雪能力就比較強，保暖性亦更加高；護頸套亦都可以保護番頸部肌膚，必要時仲可以拉上去保護埋塊面！
雖然玩滑雪依項活動的確唔平，但既然去得玩就唔好為咗慳少少錢就揀質量冇咁好嘅滑雪用品，最重要都係玩得安全又放心啊！
你可能喜歡：
PHOTO CREDIT:
hawtcelebs; people;gotceleb; francesverweij, montecwear@ Instagram