時尚穿著
2 Jan 2018
Sherry Yeung

八、九十後的青春回憶!謝霆鋒歷年造型進化史!

Chef Le’Mon 2018重回樂壇!

八、九十後的青春回憶!謝霆鋒歷年造型進化史! | Goxip

(左):謝霆鋒十六歲初出道;(右)1997年17歲推出首張專輯《My Attitude》

對於零零後,謝霆鋒或者就只係煮食節目主持人,又或偶而係電影見到、曾奪金像獎嘅Chok爆演員,但對於一眾八十、九十後,謝霆鋒絕對係代表住一個時代嘅青春、任性與瘋狂。那些年去YES! Station抽YES!卡,去K房不理音準大叫《活著VIVA》。雖然青春已經不復再,但元旦日商業台叱吒903頒獎典禮,謝霆鋒與Supper Moment、觸執毛合唱《活著VIVA》,相信大家在學時期回憶湧現,不經不覺當年台上擲結他,不知天高地厚嘅謝霆鋒,都已經與張柏芝結婚、生子、離婚,再與王菲破鏡重圓蜜運,亦開辦自己公司,當日叛逆小子略有成就。2018第一日再係台上高呼「年輕得碰著誰亦能像威化般乾脆」,當年同樣青春無敵嘅你,都已經成長了嗎?

八、九十後的青春回憶!謝霆鋒歷年造型進化史! | Goxip

十五歲首次登台演唱Beyond《真的愛你》,係青春啊哈利!

八、九十後的青春回憶!謝霆鋒歷年造型進化史! | Goxip

當年霆鋒極愛連框反光太陽眼鏡,黑色背心加皮褲,帶一陣原祖MK味,但青春就是本錢,哥穿就是潮流尖端就是型。

八、九十後的青春回憶!謝霆鋒歷年造型進化史! | Goxip

當年青春又敢作敢為,亦代表著八、九十後年青就是要叛逆精神。

當年十五歲就登上舞台,首次演唱Beyond《真的愛你》,當時四大天王當道,基本上年輕歌手難被看上眼,1997年17歲推出首張專輯《My Attitude》正式出道成為歌手,當年大多人都認為佢只係靠父蔭,但謝霆鋒憑努力製造第一波年輕偶像熱潮,《believe》大碟獲得白金銷量,2000年推出《活著VIVA》,成為叛逆青年代言人,19歲憑《新古惑仔之少年激鬥篇》獲香港電影金像獎最佳新演員,事業如日方中,當年背心、銀頸鏈街頭打扮相當深入民心,謝霆鋒出名唔鍾意買衫,除咗出席領獎典禮,經常黑色背心走天涯,成為佢獨特叛逆形象。遺憾2002年年少氣盛犯下大錯暫別香港,亦成為後來一步一步再度成長之契機。

八、九十後的青春回憶!謝霆鋒歷年造型進化史! | Goxip

當年霆鋒不愛打扮,只有出席頒獎典禮先會畀造型師改造;近年則淡定有錢剩,衣架身型著西裝簡直無敵。

八、九十後的青春回憶!謝霆鋒歷年造型進化史! | Goxip

近年佬味愈來愈濃,亦花心機打扮,背心霆鋒不復作,成為Chok界當家男神,Chef Le’Mon廚師 x軍服造型亦深入民心。

八、九十後的青春回憶!謝霆鋒歷年造型進化史! | Goxip

元旦日謝霆鋒再度登上叱吒頒獎禮台板,一身簡單黑Tee x 洗水牛打扮,教人想念那些年一起追星的日子。

近年提起謝霆鋒,除咗太Chok Chok出火花引起網民茶餘飯後討論,演技愈嚟愈成熟,與王菲戀情見穩定,事業亦上軌道。造型上開始以官仔骨骨西裝又或廚師、軍裝示人,比起當年較花心思,踏上叱吒台板棄鑊鏟執結他,再以那些年簡單黑色衛衣與洗水牛仔褲出場,睇嚟一眾八十、九十非常受落,佢亦宣佈2018年完全回歸音樂推出新碟,重回自己最喜愛之音樂初衷與事業,相信再開演唱會機會非常高,大家繼續期待!

PHOTO CREDIT:
Commercial Radio, VIU TV, Instagram, Weibo