時尚穿著
18 Oct 2018
Sherry Yeung

入秋型男穿搭攻略!余文樂示範五大必備牛仔褸、波鞋、針織外套潮流單品!

Gucci、Converse、ASOS潮物一次入手!

入秋型男穿搭攻略!余文樂示範五大必備牛仔褸、波鞋、針織外套潮流單品! | Goxip

秋天終於正式殺到,如果仲未置新裝的話,而家就係最佳機會!未諗到秋冬換咩新造型好,又係時候睇吓潮牌主理人余文樂嘅最新穿搭街拍,搵吓潮男必備秋裝靈感!

1. 型格牛仔褸

今年秋冬其中一個最熱門嘅男裝潮流一定係牛仔造型,係時候入手一件無論襯咩都無得輸嘅牛仔褸,今年流行深藍洗水款式,如果想搵較易入手嘅平價款,ASOS有大量新款上架,而想搵更型格嘅潮流款式,MR PORTER都有大量選擇!

入秋型男穿搭攻略!余文樂示範五大必備牛仔褸、波鞋、針織外套潮流單品! | Goxip

2. 爆紅GUCCI

最近巴黎時裝周余文樂亦有應邀出值,除咗以大受歡迎嘅Logo衛衣示人,更完美示範學院風Gucci造型,簡單一件衛衣、加返件針織冷外套即時有斯文感覺,最啱就係唔想返工look太悶但又唔可以著得太浮誇嘅男士著用!

入秋型男穿搭攻略!余文樂示範五大必備牛仔褸、波鞋、針織外套潮流單品! | Goxip

3. Converse帆布鞋

最近余文樂主理品牌Madness與Converse推出合作鞋款,令高筒Converse chuck taylor all star鞋款成為城中熱話,今季必備全黑、深藍等秋冬色系,更易襯搭深色穿搭。

入秋型男穿搭攻略!余文樂示範五大必備牛仔褸、波鞋、針織外套潮流單品! | Goxip

4. 百搭軍褸

轉季天氣忽冷忽熱,一件百搭易襯同時又可以保暖嘅軍褸非常重要。經典深綠色調極易配襯任何衣著,尤其配牛仔褲一流!

入秋型男穿搭攻略!余文樂示範五大必備牛仔褸、波鞋、針織外套潮流單品! | Goxip

5. 羊毛大褸 + 波鞋

長青黑色羊毛大褸唔單止可以應付冬季嚴寒天氣,而且更令平平無奇造型添上一陣紳士氣息。配上一對復古dad sneakers,更有個性太又唔會太過dress up,隨性中帶品味。

PHOTO CREDIT:
lok666