1 Feb 2018
Sherry Yeung

將男友推向男神等級!情人節送給「他」的24件貼心禮物!

100分女友必送!$500以下、$1,000以下、$15,000以下奢華之選!

將男友推向男神等級!情人節送給「他」的24件貼心禮物! | Goxip

平時買嘢畀自己真係好易,不過要諗買咩畀男友真實在太難,男女品味大不同,又基於九成女友都覺得另一半總係爭半步先到白馬王子級別,既然先天不足就要靠後天品味補救,就趁今個情人節為對方揀一位優雅又有型嘅時尚禮品,令對方與男神級別嘅距離默默拉近!小編特地揀咗$500以內抵買又極有品味嘅禮品,$1,000以內貼心又甜蜜之選,$15,000以內奢華又實用嘅夢幻選擇,快啲揀好心水禮物,準備2月14情人節畀對方一個甜蜜驚喜啦!

將男友推向男神等級!情人節送給「他」的24件貼心禮物! | Goxip

$500以下體貼又大方禮物推介!

預算唔多但又想買最體貼對方嘅甜蜜驚喜,背囊、內衣就最為實用但又令對方感到溫暖!型男必備性感又舒適嘅Calvin Klein內褲三件裝、大受潮男歡迎嘅adidas Original、Herschel Supply Co.背包絕對係又平又靚嘅好選擇!

將男友推向男神等級!情人節送給「他」的24件貼心禮物! | Goxip

$1,000以下時尚升級更貼近男神級別!

其實$1,000話多唔多,但選擇實在非常多,而且一樣可以買到名牌奢華好禮,令男友日常品味型在細節位!例如萬用卡片套、英國皇室御用Barbour外套,又或者為日常西裝增加型格嘅Lanvin袋巾,小心思就可以做到極時尚效果!

將男友推向男神等級!情人節送給「他」的24件貼心禮物! | Goxip

$15,000以下男神品味完全進化!

希望男友嚟個無敵品味進化,就係時候為佢揀奢華statement piece,令佢望落更男神級嘅品味!Burberry頸巾、Alexander McQueen波鞋都係非常好嘅選擇,既唔會令佢覺得要完成轉換風格,又暗地裡係細節位提升品味,貴少少都值得!

PHOTO CREDIT:
Hollywood Life