秋冬最搶眼小白鞋特集！全球時尚明星至愛22款高人氣百搭GUCCI波鞋！

Dad Sneakers由年頭紅到年尾，想今年秋冬有返啲新意的話，係時候回歸小白鞋懷抱！Gucci小白鞋最近推出勁多新款，當中最受歡迎嘅ACE最受歡迎嘅兩種設計包括百變個性刺繡款同埋搶眼搭帶款，每款都低調中又搶眼，最緊要係好易襯，簡單襯牛仔褲、連身裙已經好有時尚奢華感覺，時尚達人楊冪、Chiara Ferragni、超模們都人人有一對，人氣極高！

刺繡款一向都非常受歡迎，除咗保留小白鞋簡約風格，更添上優雅古典氣質，令鞋款充滿個性又不感覺庸俗！Selena Gomez都係ACE嘅超級粉絲，百搭度極高容易襯到每日時尚造型，日日著都唔會厭。

近期ACE搭帶款亦非常受歡迎，最方便係可拆式替換搭帶，可按照喜好自由個人化，最受歡迎一定係最新Gucci Logo閃爍款，除咗充滿時尚型格外，仲可以著幾年都唔過時，襯裙襯褲都非常搶眼，CP值極高！

Dakota Johnson最愛嘅Gucci G74款式更輕巧修腳，充滿斯文優雅感覺，亦有非常亮眼復古質感。好似Dakota Johnson咁簡單配褲裝、裙裝都已經好出色，同樣非常長青唔會容易過時，入手一對一定唔會後悔。