新年拜年穿搭知多少？2020年拜年唔好犯3大忌！
唔洗苦惱新年著咩衫，最佳過年穿搭小編話你知！
農曆新年係中國人最重視嘅節日之一，拜年時有很多傳統習俗同禁忌，拜年穿搭都係一門學問，最梗要長輩們覺得吉利、得體，保證你拿利是拿到手軟，2020年都唔會有婆媳問題，亦唔洗擔心被親戚指指點點！你不可不知的新年穿搭禁忌：
1.新年穿搭款式切忌太隆重或太隨便
拜年穿搭款式要夠大方得體，最好以休閒、時尚為主，唔好太隨便著運動服、破洞牛仔褲，甚至拖鞋短褲，除非你同另一半嘅親戚都好時髦，否則能免則免。你都唔想聽到長輩話你“撈唔掂”。同樣，太正式嘅拜年穿搭都不適宜，著住禮服或者太過性感嘅服裝去拜年，難免俾人感覺唔體面甚至好高竇。所以，中規中矩地著返長輩喜愛嘅保守穿搭，新年忍幾日啦！
2.新年穿搭顏色切忌太深沉，黑白搭配為大忌
新年對於長輩嚟講就應該紅紅火火，有節日氣氛。紅色係農曆新年穿搭必備嘅拜年衣色，應節之餘同時寓意「紅」運當頭。不過唔好驚，覺得全身紅色太俗氣，唔配合自己嘅時尚氣質。其實只要配上一些鮮色元素，就可以令你造型更有活力。就算上身或下身穿搭係單色單品，都可以加上紅色系、粉紅色系頸巾或飾品等來點綴。
3. 新年穿搭忌穿不好意頭既圖案，尤其與死亡有關
雖然呢樣野係常識吧，拜年穿搭當然唔好著代表死亡嘅骷髏骨、刀、血等圖案，不過年輕人思想前衛，呢D避忌對年輕人嚟講可能唔太重要。但如果你去拜年，穿搭都要考慮以尊重長輩為前提。如果你係mastermind或Alexander McQueen既支持者，呢幾日換下風格，等同朋友出去party先著返啦。
紅色其實無大家想象中咁難襯，小編推薦大家三種簡易2020新年穿搭，唔洗5分鐘就可以歡歡喜喜去拜年啦！
比較休閑隨性嘅新年穿搭可以選擇針織衫、hoodie，下半身搭配牛仔褲或裙，已經好得體。
如果想要扮靚靚出席聚會場合，2020新年穿搭可以揀一條有紅色元素嘅連身裙，再加上自己喜愛嘅外套，就可以出門了。
如果平時好少著鮮色系嘅衫，咁又唔需要突登買套返嚟。只要搭配一啲紅色元素嘅帽，、頸巾、鞋或者手袋，都可以透過小面積嘅紅色配搭達到喜慶效果，適合唔想著一身紅嘅大家，係咪突然發覺拜年穿搭完全無難度呢？！