生活品味
15 Feb 2020
Nicole Leung

唔洗再怕長途機!教你長途飛行必備的十大法寶!
旅遊狂迷必讀的登機行李清單!

長途機必備法寶+長途機保濕護膚貼士!

唔洗再怕長途機!教你長途飛行必備的十大法寶!<br/>旅遊狂迷必讀的登機行李清單! | Goxip

最近因為疫情問題,大家都要乖乖地留係屋企,相信都悶壞左唔少旅行控。小編都感受到大家想出走嘅心究竟有幾強烈,亦相信唔使幾耐之後大家就可以盡情去旅行放鬆心情,放一個悠長假期!如果大家係想去美國、加拿大,或者歐洲等國家,真係閑閑哋都要飛成十幾廿個鐘,冇番些少準備都好難頂。今次就同大家分享下飛長途機嘅旅行必備小物,究竟有咩長途機保濕貼士?長途機護膚、化妝要注意啲咩?又仲有啲乜嘢係長途機嘅必備物件呢?咁就要快啲睇睇啦!

長途機必備法寶1: 保濕噴霧

唔洗再怕長途機!教你長途飛行必備的十大法寶!<br/>旅遊狂迷必讀的登機行李清單! | Goxip

飛機上面嘅空氣特別乾燥,如果要喺機艙裏面留成十幾個鐘,面部一定乾到頂唔順,所以保濕噴霧絕對係長途機護膚必備!不過大家記得手提行李只可以攜帶用不超過100毫升容器載住嘅液體或噴霧,帶細細支嘅保濕噴霧上長途機已經非常足夠,可以得閒噴兩噴,長途機後化妝一樣咁貼妝咁靚!

長途機必備法寶2: 潤手霜

除咗面部肌膚外,大家亦要注意雙手喺長途機上容易變得越嚟越乾同埋粗糙,所以亦要記得帶潤手霜!

長途機必備法寶3: 潤唇膏

長途機護膚唔單止要注意手部同面部,雙唇肌膚喺長途機上一樣要保濕滋潤!千祈唔好唔記得帶潤唇膏啊!

長途機必備法寶4: 保溫瓶

唔洗再怕長途機!教你長途飛行必備的十大法寶!<br/>旅遊狂迷必讀的登機行李清單! | Goxip

令一個長途機必學貼士就係記得帶備保溫瓶!大家都知機艙裏面究竟有幾乾,想時刻保持身體足夠水份,坐長途機除咗護膚保濕之外,記住要多飲水!唔想空姐行嚟行去?最好嘅方法就係用保溫瓶請空姐幫你裝水,暖水亦都可以令到你感覺更加舒服溫暖。

長途機必備法寶5: 帽+梳子(+髮圈)

長途機嘅時間更長,頭髮好容易變得又油又污糟,所以帶頂帽上機就可以遮住你凌亂不堪嘅頭髮,想更加整齊嘅亦可以用梳或者髮圈整理。

長途機必備法寶6: 眼罩/耳塞

唔洗再怕長途機!教你長途飛行必備的十大法寶!<br/>旅遊狂迷必讀的登機行李清單! | Goxip

最佳消耗搭飛機時間嘅方法當然係瞓覺啦!所以眼罩同埋耳塞都係愛瞓人士搭長途機必備嘅登機行李,等你可以好好訓返覺,落機即刻充滿精力咁樣去玩!

長途機必備法寶7: 充電器

依家唔少飛機上都有充電位置,如果你預計自己會玩線下手機遊戲或者用手機做其他嘢,咁就記得要帶充電器叉電,唔係落機去到當地嘅時候冇電就麻煩啦!

長途機必備法寶8: 外套

小編覺得機艙嘅溫度總係好似成個雪櫃咁,所以另一個長途機貼士就係一定要帶厚外套!咁樣瞓覺、睇戲定係玩電話都可以舒舒服服,唔使縮嚟縮去。加上唔少人都對機艙嘅毛氈衛生有疑惑,帶備自己嘅外套就夠晒安心啦!

長途機必備法寶9: 頸枕/腰枕

想坐得更加舒服、瞓得更加自在,搭長途機記得要帶頸枕或者腰枕,可以比到你身體足夠嘅支撐!

長途機必備法寶10: 藥物

最後嘅貼士就係,坐長途機始終都要留喺機艙比較耐嘅時間,所以記得要帶備足夠藥物喺登機行李,咁樣有咩唔舒服嘅時候都可以自己優先照顧自己,唔使麻煩機艙服務員。

睇完以上長途機必備隨身物同化妝護膚貼士,相信大家都知係長途機上面有咩要注意。最重要係注重保濕同埋保暖,咁樣落機就即刻可以周圍探索世界啦!

你可能喜歡:

PHOTO CREDIT:
clemence organics; Brittany Xavier; AEworld; Winslow Skincare; minded edit; Marianna Hewitt