体感唔止40度！型男炎夏短裤配衬攻略＋$500以下平靓正网购推介！

炎炎夏日終於到，今年溫度火箭式上升，日日35.5度但其實體感溫度近40度，再著住條長褲真係命都短幾年。小編身邊男已經不停request要瘋狂買短褲，但要買到舒服但又唔會太hea嘅短褲唔係一件易事，再加上夏天流汗多，要經常換新，需要用最相宜價錢為衣櫃添置最多靚短褲。小編為大家搜羅配襯攻略與$500以下平靚正網購推介，為炎夏消暑降溫之餘，又可以keep住有型！

有時要出席宴會、返工都需要著得比較靚仔，短版西褲Chino Shorts或Smart Shorts就係進可攻退可守款式，配恤衫、皮鞋即可dress up，襯白TEE、布鞋又可casual，買多幾條看門口都唔怕。

鍾情牛仔褲都有大量短版牛仔褲選擇，最適合配襯白波鞋與白TEE，營造假日忥悠閒舒服感覺。而花啲心機好似Pharrell Williams襯Loafers與迷彩更加前衛，值得一試。

90年代復古運動褲近年大行其道，簡單配TEE、波鞋已經相當Sharp醒，灰色最為大熱，輕鬆得嚟又易襯，假日出遊舒服之選。