跟韩团Twice着甜美系小黑裙！ $500蚊以下派对裙款推介！

近年人气最旺嘅韩国女团，一定必数A-PINK、BLACKPINK与TWICE，TWICE青春活泼又可爱嘅形象深入韩饭心，最近TWICE就登上韩国版COSMOPOLITAN创刊号封面，九位成员全部以轻熟微性感小黑裙登场，突破平日青春甜美学生造型令人眼前一亮！烦恼紧嚟紧新年派对拣咩裙好嘅姊妹们，不妨好好参考一下简单又充满奢华气质嘅黑裙造型，小编仲特地拣咗$300以下战衣推介，睇啱不妨买定一两套放係衣柜，就算突然要出席新年、生日等等大小派对都非常适合！

除咗小黑裙之外，每位成员都以不同风格示人，帅气军事风、甜美淑女风都相当抢眼，当中重点在於展现迷人双腿，其实只要将上衣加上皮带将腰线提高，望落双腿就会更加修长，再加上一对高跟鞋，不但充满女人味，仲可以令造型充满节日派对感！

纯白蕾丝裙都不失为一个百搭选择，配黑色丝带、腰带与高跟鞋，令造型加重对比感，比起一套纯白造型多添个性，而且亦有显瘦效果。

另外今年度Pantone colour of the year係紫色，酒红、紫红等颜色都係冬日大热，不妨凑凑热潮做个紫系女生！