有闺蜜就唔怕失恋！姚子羚宣佈结束叁年情，胡说八道姊妹甜蜜补位！

当由锺嘉欣、李亚男、岑丽香、王君馨及苟芸慧合组闺蜜团'Amazing Esther'已经全部名花有主，大家都希望胡说八道会成员可以各自搵到自己嘅幸福，但睇嚟通向婚姻之路确实无咁容易，胡说八道会成员之一姚之羚最近传出与拍拖叁年男友郑子邦分手，回复黄金单身！姚子羚日前亦透过社交媒体Instagram确认分手传闻，发佈照片并写道：「一段关係的完结并不代表就是结束～ 爱其实可以有更多不同的方式～我相信无论我们是什麽关係，仍会守护、祝福对方」，睇嚟虽然对关係万般不捨，但仍然勇敢正面面对，令唔少粉丝都深表支持！

不少报道指二人恋情告吹或因姊妹成员於《胡说八道真情假期》中戴上郑子邦面具与姚子羚预演求婚有关，似有逼婚之嫌，但恋情告吹原因太多，二人亦希望拥有更多私人空间。但可以肯定嘅就係只要有姊妹係身边，失恋又有咩好怕！今日姚子羚已经同好闺蜜胡定欣一齐出发到横店拍剧，更将可爱Selfie放上Instagram，闺蜜团亦一早陪子羚去布吉散心，一班失恋时可以永远支持自己，留係自己身边提供正能量嘅姊妹，比起搵到老公更难能可贵。

除咗胡说八道会闺蜜外，Katy龚嘉欣亦已陪伴姚子羚同遊日本赏樱，不能不说两人素颜都仍然靓爆镜，有闺蜜陪自己素颜去旅行，真係一件好幸福嘅事！不过比起'Amazing Esther'，胡说八道会成员情路比较曲折，希望佢哋都可以搵到幸福，无论事业与爱情都得意！不如都同时一齐睇吓胡说八道会闺蜜穿搭，以互相扶持态度，同闺蜜一齐搵到终极幸福！