咸嫂咸爷情侣鞋出没！白波鞋白高跟鞋衬到绝配搭！

世间上放闪方法层出不穷，如果你顶唔顺衬老土到爆嘅情侣T-shirt，仲有种低调得嚟又闪爆全球嘅放闪叫做衬情侣鞋。讲起放闪，基乎每次合照都引起全球哄动嘅咸爷咸嫂，最近就以情侣鞋示人，但其实情侣鞋都唔代表一定要同款同色一模一样先够缠绵，好似两位碧咸夫妇以白波鞋与白高跟鞋配衬，唔单止有返自己个性，更衬到绝戴住黑超都见到闪光，如此高招，各位潮人真係要好好学习！

咸嫂一向都係高跟鞋忠实粉丝，更加有传闻呢位无高跟鞋不欢嘅时尚巨星係屋企都要著住高跟鞋，简单白高跟鞋配连身裙、裤装、小白裙都时尚无娘味，雪白颜色仲好衬年尾派对主题，姊妹们要学！

至於近年咸嫂都开始迷上白波鞋，早前亦公佈与Reebok合作，相信白波鞋一定走唔甩。如果高跟鞋真係唔係你杯茶，不妨试下白波鞋、白色袜套鞋，同样时尚有型。

至於咸爷一向都係全球最强波鞋KOL，基本上著咩红咩，一对白波鞋又点难得到佢呢！咸爷经常以Stan Smith现身示人，配西装、牛仔裤、日常简单穿搭都绝不失手，趁减价季快即刻入手啦！