地表最强小叁！Brooklyn Beckham与《花花公子》辣模拥吻照片曝光！

千禧世代恋事真複杂，先有声称Selena Gomez係「一生最爱」嘅Justin Bieber疑似另结新欢，突然今日「地表最强CP」Brooklyn Beckham与Chloe Moretz又疑似分手！正确嚟讲係唔知真分手定係Chloe Moretz被分手，因为外国传媒影到Brooklyn Beckham与疑似新欢街头拥吻，惊吓度真係极度爆标！自从Brooklyn Beckham到美国纽约读大学後，二人不断街头放闪，早前亦一齐庆祝生日，分手、复合、分手再复合後望落如胶似漆，突然拍到Brooklyn有新欢，真係令人感叹世上无真爱！

Brooklyn Beckham近日与《花花公子》性感辣模Lexi Wood被拍得於荷里活一间纹身店双双现身，据报道指双方都係简单倾计，但突然於窗边激吻，虽然Brooklyn身边女伴一向唔少，但今次真真係令好多人都大跌眼镜！Lexi Wood今年19岁，小妮子拥有甜美外表、性感丰唇、健康肤色与匀称身材，令佢年纪轻轻已经成为千禧世代女神，社交媒体上亦经常以火辣健康穿搭示人，不过到底与Brooklyn Beckham雾水恋情係真定假，就留待本人向大家解释啦！

Lexi Wood经常以黑白潮装示人，尤其喜爱crop top衬阔裤，举手投足充满诱惑潮味！浪漫波浪上衣配卡其色阔裤，极有春夏度假气质亦不失潮味，再配上一对白波鞋，青春味极浓！

年纪轻轻可以登上《花花公子》成为性感女神，Lexi黑色打扮亦更具前卫感觉，夏日就快到，运动风格bra top、crop top配火辣高腰裤，女神亦係潮牌Off-White粉丝，简单一条抢眼腰带，整个全黑造型即时不觉沉闷乏味！