美甲控新年情人节必备！显白不俗气超气质红色美甲灵感大集！
新年美甲彩绘推荐在此睇！
眨吓眼又到农曆新年啦，之後好快又到情人节啦！除咗买新衫之馀，身为美甲控当然唔可以忘记要换新年美甲彩绘！想不到换哪款美甲彩绘图案？为咗应新一年同情人节，当然係红色系美甲吧！可能大家都怕红色显俗气，但其实唔一定。红色系美甲唔单至可以优雅大方，仲可以令你双手显白，而且带有女人味，唔少红色美甲彩绘都好温柔不老士架。想突显气质又想应应节，跟著我哋为你推荐嘅红色系美甲款式就係最佳选择啦。小编为你整理以下5款优雅时尚且温柔嘅红色美甲款式，等大家唔洗烦恼如何换美甲过新年同迎接情人节！
美甲彩绘款式灵感1：运用不同配色
当然10只手指都塗红色，的确有点俗气，而且过於普通。其实你只要运用唔同嘅红色系指油mix and match 就可以打造出唔同感觉嘅充满喜庆感同时尚感嘅红色美甲！好似你可以加入酒红色同珠光色，令整体感觉冇咁单调，气质up！
美甲彩绘款式灵感2：透明系红色
如果你喜欢简约低调，你可以选择透明系红色系美甲款式。其实你唔一定要选择大红色或者实红色，利用透明感嘅粉红色、红色一样能打造出有温柔十足嘅气质美甲啦。
美甲彩绘款式灵感3：金属／闪片／珍珠细节
如果你想以红色为主色又唔想太老士， 你只要加入一点小元素，好似金属同闪片嘅细节，就能打造出充满节日感，又能突显精緻细节嘅美甲。假如你喜欢气质一点的话，可以只在一只手指上作小小嘅点缀，加上不同配色就能打造出少女感十足嘅气质美甲。如果想突显时尚感又想跟上潮流，你可以加入今年大热嘅珍珠细节。
美甲彩绘款式灵感4：几何款式
假如你是简约控，唔喜欢太过誇张同梦幻嘅款式，你不妨考虑精緻又时尚嘅几何美甲图案，简约得黎又充满节日感，而且仲好优雅。
美甲彩绘款式灵感5：云石款式
如果你係充满少女心嘅女生，云石美甲图案就啱哂你啦！充满日式温柔风格，而且梦幻感十足，再加点金属同闪片嘅点缀，指甲已经靓到好似珠宝一样，自己见到都特别开心。
推介左咁多款适合新年或情人节造型嘅红色系美甲彩绘款式，相信大家都迫不及待整甲喇，不过唔一定要出街比人整既，其实自己係屋企都可以享受整甲嘅乐趣。我哋拣咗一啲出名好擦嘅指甲油比大家，有啲仲係天然无害，保證你用得安心。放假无野做，不妨为你嘅指甲扮靓靓，打造专属你嘅美甲图案啦！